Məktəblilər arasında şahmat turniri
“İRƏLİ” Ümumrespublika Gənclər Hərəkatı gənclərin intellektual səviyyələrinin artırırlması istiqamətində bir çox iri miqyaslı layihələr – “Məktəb Parlamenti”, “Öyrənək və Öyrədək”, “Kimsəsiz uşaqların cəmiyyətə qayıdışı”, “Nə, Harda, Necə?” intellektual oyunu, Gənclər arasında Şahmat turniri, uşaq evlərində kimsəsiz uşaqlarla üçün ali məktəblərə hazırlıq kursları, silsiləvi maarifləndirmə aksiyaları, mənəviyyat mühazirələri, BMT modeli uzrə Kosovo böhranı imitasiya oyunu və bir çox digər tədbirlər həyata keçirmişdir.
2006-cı ilin fevral ayından “İRƏLİ” Ümumrespublika Gənclər Hərəkatının Təhsil və Maarifləndirmə Departamenti tərəfindən “Məktəb Parlamenti” layihəsi reallaşmağa başlanıldı. Bu layihənin əsas məqsədi ondan ibarətdir ki, yeniyetmə gənclərmiz sosial aktiv vətəndaş kimi yetişsinlər və bu istiqamətdə liderlik qabiliyyətləri əldə etsinlər. Qazanılan bu biliklər onlara təhsil aldıqları məktəbin idarəetmə sistemində iştirak edərək problemlərini, həyata keçirmək istədikləri tədbirləri məktəb rəhbərliyinə çatdıra bilirlər. Qeyd edək ki, Məktəb Parlamenti tam tərkibli strukturdan, deputatlardan, spikerdən və prezidentdən ibarətdir.
Hərəkatın fəaliyyət istiqamətlərindən biri olan Məktəb Parlamenti 9 Fevral tarixindən etibarən Prezident İlham Əliyevin məzun olduğu 6 saylı İntellekt Liseyin şagirdləri arasında Şahmat turniri təşkil edəcək. 3 turdan ibarət olacaq şahmat turniri 9 fevral tarixindən etibarən hər həftənin şənbə günü saat 10:00-da Azərbaycan Dövlət İqtisad Universitetinin Şahmat zalında təşkil olunacaq. Turnirin Final görüşü 23 Fevral 2008 – ci il tarixdə keçiriləcək. Bu turnirirn möhtəşəm davamı olaraq yaz aylarında məktəblilər arasında Şahmat turniri təşkil ediləcək.
Baxış sayı: 122
Açar sözlər: məktəbli şahmat turnir irəli
