Ağdamsız 15 il
Ağdam rayonu Azərbaycan respublikasında inzibati rayondur. 1930-cu ildə təşkil edilmişdir. Qarabağ silsiləsinin şimal- şərq ətəklərində, Kür - Araz ovalığının qərbindədir. Sahəsi 1094 km2, əhalisi 101.6 min nəfərdir. Rayonda 1 şəhər, 119 kənd və qəsəbə var. Mərkəzi Ağdam şəhəridir.
Ağdam rayonunun relyefi əsasən düzənlik, qismən dağlıqdır. Ərazidə geniş yer tutan Qarabağ və Mil düzləri cənub- qərbdən şimal-şərqə doğru tədricən alçalır.Rayonun cənub-qərbində Qarabağ silsiləsinin şimal burnunun maksimum hündürlüyü 1365 metrə çatır. Rayonun düzənlik hissəsində Antropogen və Neogen, dağlıq hissəsində isə Təbaşir və Yura çöküntüləri yayılmışdır.Əhəngdaşı və s. tikinti materialı (sement xammalı, çınqıl, qum) yataqları var. İqlimi, əsasən mülayim isti və quraq subtropikdir.
Əhalisinin orta sıxlığı 1km2-də 92.9 nəfərdir. Ağdam şəhərində, Mərzili, Seyidli, Qiyaslı, Xıdırlı və Zəngişalı iri yaşayış məntəqələridir.
Baxış sayı: 4
Açar sözlər: ağdam işğal erməni azərbaycan 15-il
Zərərin yarısı
Ötən həftə Qazaxıstanda paytaxt Astananın 10 illik yubileyi böyük təntənə ilə qeyd olundu. Bu möhtəşəm və müasir şəhərin ad-sanına layiq tədbir keçirildi. Ayrı-ayrı ölkələrin dövlət və hökumət başçıları yubiley mərasimində iştirak etdilər.
Məlumdur ki, zəngin enerji qaynaqlarına malik olan Qazaxıstan son illərdə neft və qazdan külli miqdarda vəsait əldə edib və etməkdədir. Belə vəziyyətlərdə adətən “gəlir hara gedir?” sualı gündəmə gəlir. Müasir Astana bu suala verilən cavablardan biri və ən tutarlısıdır. Köhnə paytaxt Alma-atıdan fərqli olaraq Astanada bu gün çox müasir göydələnlər ucalır, geniş yollar, təmiz küçələr salınır. Bir sözlə, Astana Orta Asiyada salınan müəsir Avropa şəhərini xatırladır.
Azərbaycanda da paytaxtın köçürülməsi məsələsi dəfələrlə gündəmə gəlib, bu barədə müzakirələr aparılıb. Hər kəs bu köçürmənin zəruriliyindən danışsa da, hələ ki, bu istiqamətdə əməli addım atılmayıb.
Bir daha vurğulayıram: Azərbaycanda paytaxtın Bakıdan köçürülməsi zərurətdir! Ən qısa zamanda bu işə başlanılmalıdır!
Baxış sayı: 14
Açar sözlər: yeni paytaxat bakı astana azərbaycan
Şərəfli polis adına bişərəf ləkəsi
Baxış sayı: 365
Açar sözlər: azərbaycan vətənpərvərlik bayraq bişərəf polis
Əbülfəz Elçibəy - 70
Bu gün Azərbaycan milli azadlıq hərəkatının lideri, AXC (AXCP) sədri, Azərbaycanın ikinci prezidenti Əbülfəz Elçibəyin anadan olmasından 70 il ötür. Onun haqqında çox yazmaq, çox danışmaq olar. Ancaq şəxsi tanışlığım olmadığı, həm də onun fəaliyyəti mənim uşaqlıq illərimə təsadüf etdiyi üçün onun haqqında öz fikirlərimi yazmıram, sizlərə sadəcə onun tərcümeyi halını təqdim edirəm.
Əbülfəz Elçibəy (Əbülfəz Qədirqulu oğlu Əliyev) 24 İyun 1938-ci ildə Naxçıvan MR-in Ordubad rayonunun Kələki kəndində anadan olub. 7 illik Unus kənd məktəbini bitirdikdən sonra Ordubad şəhər 1 saylı orta məktəbində təhsilini davam etdirib. 1957-ci ildə Bakı Dövlət Universitetinin şərqşünaslıq fakültəsinin ərəb filologiyası şöbəsinə daxil olub. Buranı bitirdikdən sonra (1962) təyinatla SSRİ Hidrolayihə İnstitutunun Bakı şöbəsində tərcüməçi işləyib. Misir Ərəb Respublikasına göndərilən Əbülfəz bəy Əsvan bəndinin tikintisində tərcüməçi kimi çalışıb (I.1963 - X.1964). Xarici ezamiyyətdən dönərək 1965-ci ildə BDU-nun aspiranturasına daxil olub və aspirantura təhsilini 1968-ci ildə uğurla tamamlayıb. “Tülunilər dövləti (868-905)” mövzusunda dissertasiya müdafiə edərək tarix elmləri namizədi alimlik dərəcəsi alıb (1969). BDU-nun Asiya və Afrika ölkələri tarixi kafedrasında müəllim və baş müəllim işləyib (1968-1975).
Baxış sayı: 59
Açar sözlər: əbülfəz elçibəy azərbaycan prezident axc
Sən bizimsən, bizimsən... Azərbaycan!!!
28 May – hər bir azərbaycanlının vətəndaşlığını məlum edən şəxsiyyət vəsiqəsinin üzərində qeyd olunan Azərbaycan Respublikasının günüdür. Respublika tarixi başlayır bu gündən, əvvəli gözəl, sonu isə əbədi olan Respublikamız.
Həmin dövrün qərarlarını nəzərdən keçirəndə bir anlıq o günlərin hadisələri insanın gözü qarşısında canlanır. O tarixi dövrə qiymət vermək də olar, verməmək də, amma fikir bildirmək istəyəndə ilk növbədə həmin dövrün ab-havasını bilmək gərəkdir, ən azı qərarların hansı şəraitdə qəbul olunduğunu...
Mənim üçün Azərbaycan Xalq Cümhuriyyəti, və yaxud, Azərbaycan Demokratik Respublikası vətəndaşı olduğumuz dövlətin adıdır. Bu ad o qədər insanların beynində həkk olundu ki, sovetlər də bu adı dəyişə bilmədi və bizi adımızla, sərhədlərimizlə SSRİ-yə daxil etdi. Xalqların tarixində bu bəlkə də ən önəmli hadisələrdəndir. Məhz 1918-ci il 28 May tarixi millətimizin özünümüəyyənetmə prosesinin yekunu oldu. Bu gündən etibarən dövlətimizin əsası qoyuldu ki, bu da gələcək nəsillərə Vətən anlayışının dəqiq olaraq dövlət formasında çatdırılması idi.
Baxış sayı: 69
Açar sözlər: adr90 azərbaycan respublika cümhuriyyət
Eurovision-2008 iştirakçıları Azərbaycan haqqında
Yəqin hər birinizə Eurovision-2008 müsabiqəsinin digər iştirakçılarının Azərbaycan təmsilçiləri Elnur və Samir haqqında fikirləri də maraqlıdır. Baxmayaraq ki, onların bir çoxu müsabiqədə özlərini birinci görmək istədiklərini bildiriblər. Ancaq biz ümid edirik ki, Elnur və Samirin ifa etdiyi "Day after day" mahnısı bu il Avropanın ən sevimli hitinə çevriləcək. Çünki Azərbaycan buna həm layiqdir, həm də qadir.
Baxış sayı: 65
Açar sözlər: eurovision azerbaijan belgrad avrovijn azərbaycan
